Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Вторник 07 декабря 2021 / 24 ноября 2021
Седмица 25-я по Пятидесятнице. Глас седьмый.
Рождественский пост. Разрешается рыба
Чтения дня
2 Солунянам 1:10-2:2Тропари
Вмц. Екатерины. Тропарь, глас 4.
Доброде́тельми, я́ко луча́ми со́лнечными,/ просвети́ла еси́ неве́рныя мудрецы́./ И, я́коже пресве́тлая луна́ ходя́щим в но́щи,/ неве́рия тьму отгна́ла еси́/ и цари́цу уве́рила еси́,/ вку́пе же и мучи́теля обличи́ла еси́,/ Богозва́нная неве́сто, блаже́нная Екатери́но,/ жела́нием востекла́ еси́ в Небе́сный черто́г/ к прекра́сному Жениху́, Христу́,/ и от Него́ ца́рским венце́м венча́лася еси́:/ Ему́же, со Áнгелы предстоя́щи,/ за ны моли́ся,/ творя́щия пречестну́ю па́мять твою́.
Вмц. Екатерины. Ин кондак, глас 3.
Вити́йствующи днесь, Екатери́на му́ченица/ и вити́ям обличи́ умовре́дную е́ресь,/ Áнгел бо с Небесе́ к той прии́де, си́лу от Вы́шняго принесе́,/ ю́же прие́мши, му́жески рече́:/ Христо́с есть му́чеником похвала́.
Вмц. Екатерины. Кондак, глас 2.
Лик честны́й Боже́ственне, мучениколю́бцы,/ воздви́гните ны́не, почита́юще всему́друю Екатери́ну,/ сия́ бо в три́знищи Христа́ пропове́да/ и зми́я попра́, ри́торов ра́зумы укроти́вши.
Вмч. Меркурия. Тропарь, глас 4.
Му́ченик Твой, Го́споди, Мерку́рий,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.
Кондак Меркурия, глас 4.
Во бране́х непобеди́маго во́ина/ и в беда́х непосты́дна засту́пника,/ пе́сньми Мерку́рия ублажи́м, сла́вяще,/ пра́зднующия бо па́мять его́ ве́село от бед избавля́ет и скорбе́й.
Тропарь Меркурию Смоленскому, глас 2.
Возсия́в, я́ко звезда́ многосве́тлая,/ в собо́рней це́ркви пред пречи́стым и чудотво́рным о́бразом Пречи́стей Богоро́дицы,/ за Ню́же и за град Смоле́нск пострада́,/ многоко́зненнаго и богоме́рзкаго царя́ Баты́я устраши́,/ и си́льнаго исполи́на победи́, и лю́ди удиви́,/ ду́шу свою́, многострада́льне Мерку́рие, за благоче́стие положи́,/ я́ко Заха́риина и Áвелева я́сно вопие́т твоя́ кровь ко Го́споду./ И ны́не моли́ся за ду́ши на́ша.
Ин кондак, глас 8.
Чистото́ю душе́вною ку́пно и теле́сною/ и серде́чною к Бо́гу любо́вию и непреста́нною моли́твою/ ри́мское бога́тство оста́вль/ и прия́т бога́тство от Го́спода — вене́ц,/ прие́м в ру́це копие́, кре́пко злове́рнаго царя́ Баты́я ужаси́,/ и самохва́льнаго исполи́на победи́,/ и вси вну́цы агаря́нския прожену́в, страстоте́рпче Мерку́рие,/ моли́ Христа́ Бо́га спасти́ся душа́м на́шим.
Кондак, глас 4.
Яви́ся во бране́х непобеди́мь во́ин,/ от ри́млян ро́дом,/ сыновство́ име́ гра́да Смоле́нска,/ я́ко бо сих ра́ди нарече́ся,/ я́ко от Богоро́дицы страж кре́пок посла́ся гра́ду,/ пе́сньми Мерку́рия ублажи́м,/ пра́зднующе ве́село па́мять его́,/ я́ко да изба́вит град наш от беды́ ра́тник.