Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Воскресенье 05 декабря 2021 / 22 ноября 2021
Неделя 24-я по Пятидесятнице. Глас седьмый.
Рождественский пост. Разрешается рыба
Апп. от 70-ти Филимона и Архиппа и мц. равноап. Апфии (I).
Блгв. кн. Михаила Тверского (1318).
Сщмч. Владимира пресвитера (1932).Сщмч. Иоасафа, еп. Могилевского, сщмчч. Иоанна, Василия, Павла, Иакова, Феодора, Иоанна, Илии, Алексия, Афанасия пресвитера и прмчч. Герасима, Евтихия, Авенира, Саввы, Марка и мч. Бориса (1937).Прп. Параскевы исп (1953).
Блгв. Ярополка, во св. Крещении Петра, кн. Владимиро-Волынского (1086).Мц. Кикилии (Цецилии) и мчч. Валериана, Тивуртия и Максима (ок. 230).Мч. Прокопия чтеца (303).Мч. Менигна (250).Прп. Агаввы исмаильтянина, Сирийского (V).Прав. Михаила воина, болгарина (866).Свт. Каллиста II, патр. Константинопольского (Афон) (Греч.).Свт. Климента Охридского, еп. Великой Македонии (916) (Болг.).Св. Германа Екоифенисского в Македонии (IX).Мчч. Стефана, Марка и иного Марка, Писидийских.Мч. Агапиона Греческого.Чтения дня
Марка 16:1-8 (на утрене. Евангелие 2-e)
Тропари
Тропарь воскресный, глас 7.
Разруши́л еси́ Кресто́м Твои́м сме́рть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови/ ве́лию ми́лость.
Богородичен, глас тойже.
Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждшая Спасе́ние на́ше;/ Я́же пре́жде рождества́ Де́ва, и в рождестве́ Де́ва,/ и по рождестве́ паки пребыва́еши Де́ва.
Кондак, глас тойже.
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связуе́м быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:/ изыди́те, ве́рнии, в воскре́сение.
Апп. от 70-ти Филимона и Архиппа и мц. равноап. Апфии. Тропарь, глас 3.
Апо́столи святи́и,/ моли́те ми́лостиваго Бо́га,/ да прегреше́ний оставле́ние/ пода́ст ду́шам на́шим.
Кондак апостолов, глас 2.
Я́ко зве́зды всесве́тлыя, просвеща́ющия концы́,/ апо́столы Христовы́ восхва́лим, Филимо́на сла́внаго, и Архи́ппа свяще́ннаго,/ и Они́сима, и Ма́рка, и Аполло́са, с ни́миже и Апфи́ю всему́друю, вопию́ще:/ моли́те непреста́нно о всех нас.
Блгв. кн. Михаила Тверского. Тропарь, глас 8.
Возвы́сив ум твой к Бо́гу,/ и жития́ со Áнгелы возжеле́л еси́,/ тле́нную сла́ву земну́ю оста́вил еси́, блаже́нне,/ и положи́л еси́ ду́шу твою́ за лю́ди твоя́,/ восприя́л еси́ вене́ц проти́ву трудо́в твои́х, Богому́дре Михаи́ле,/ моли́ Христа́ Бо́га о чту́щих любо́вию святу́ю па́мять тво́ю.
Кондак, глас 2.
Вы́шних ища́ и земну́ю сла́ву презре́в,/ Це́рковь Бо́жию обагри́л еси́ твое́ю кро́вию,/ за Ню́же и пострада́л еси́, свя́те Михаи́ле,/ заколе́ние непра́ведное при́ем, веселя́ся./ Те́мже со Áнгелы предстоя́ Христу́ Бо́гу,/ моли́ непреста́нно за вся ны.
Блгв. Ярополка. Тропарь, глас 4.
Я́ко благове́рен и пра́веден,/ за любо́вь Христа́ Бо́га от свои́х си сме́рть прия́л еси́, Яропо́лче,/ страстоте́рпче святы́й, благове́рный кня́же Волы́нский,/ и пролия́л еси́ кровь твою́,/ я́коже пре́жде сро́дницы твои́ и страстоте́рпцы, Богоблаже́ннии Бори́с и Глеб,/ и́хже подвиго́м ревну́я благоче́стно,/ Го́сподеви взыва́л еси́ усе́рдно:/ да́руй ми кончи́ну, я́коже бра́тиям мои́м,/ да и аз омы́ю грехи́ моя́ кро́вию мое́ю/ и изба́влюся ми́ра сего́ тще́тнаго и мяте́жнаго./ Те́мже, днесь соше́дшеся в па́мять твою́,/ ве́рою и любо́вию сла́вим Го́спода,/ укрепи́вшаго Тебе́ в по́двизе напра́сныя сме́рти,/ я́коже бо а́гнец незло́бивый,/ от раба́ заколе́н еси́,/ и себе́ сама́го же́ртву непоро́чну Го́сподеви прине́сл еси́,/ Éгоже моли́, присноблаже́нне,/ спасти́ Оте́чество твое́/ и сыново́м Росси́йским спасти́ся.
Кондак, глас 3.
Возсия́ днесь пресла́вная па́мять твоя́,/ благоро́дне страстоте́рпче Христо́в, Яропо́лче Богому́жне,/ созыва́ющи нас к похвале́нию Христа́, Бо́га на́шего./ Те́мже, к тебе́ днесь притека́юще,/ с любо́вию взыва́ем ра́достно:/ блаже́нна земля́, упи́тавшаяся кровьми́ твои́ми,/ и свя́та селе́ния, прии́мшая дух твой,/ иде́же в рай, нетле́нныя пи́щи наслажда́яся,/ не забу́ди нас, воспева́ющих тя,/ но при́сно помина́й в моли́твах твои́х к Бо́гу,/ да изба́вимся от всех бед и скорбе́й,/ и́же при́сно па́мять твою́ почита́ющи.
Климента, архиеп. Охридского. Тропарь, глас 4.
Словесы́ наста́вил еси́ язы́ки в ве́ру Христо́ву,/ де́лы же возвы́сил еси́ себе́ к Боже́ственней жи́зни,/ святи́телю Климе́нте равноапо́стольне,/ чудесы́ сия́я приступа́ющим к тебе́ ве́рно/ и знаме́ньми озаря́я Це́рковь пресла́вно,/ сего́ ра́ди честну́ю твою́ па́мять сла́вим.
