Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Воскресенье 29 марта 2020 / 16 марта 2020
Неделя 4-я Великого поста. Глас осмый.
Великий пост. Пища с растительным маслом
Прп. Иоанна Лествичника (переходящее празднование в 4-ю Неделю Великого поста).Мч. Савина Египетского (287).Мч. Папы Ликаонского (305-311).
Свт. Серапиона, архиеп. Новгородского (1516).Ап. от 70-ти Аристовула, еп. Вританийского (Британского) (I).Сщмч. Александра, еп. Римского (119).Мч. Иулиана Аназарвского (305-311).Сщмчч. Трофима и Фала, пресвитеров Лаодикийских (ок. 300).
Прп. Христодула Патмосского чудотворца.Мч. Романа в Париуме Геллеспонтском.10 мчч. финикийских (Греч.).Преп. Пимена юродивого и сподвижника его Антония Месхи (XIII) (Груз.).Св. Амвросия-исповедника (Хелая), католикос-патриарха всея Грузии (1927) (Груз.).Новомч. Малахии Родесского, пострадавшего в Иерусалиме (1500).Св. Аббана Килабанского (650) (Кельт. и Брит.).Чтения дня
Иоанна 20:11-18 (на утрене. Евангелие 8-e)
Тропари
Прп. Иоанна Лествичника. Тропарь, глас 1.
Пусты́нный жи́тель и в телеси́ Áнгел/ и чудотво́рец яви́лся еси́, Богоно́се о́тче наш Иоа́нне,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исце́ления.
Кондак, глас 4.
На высоте́ Госпо́дь воздержа́ния и́стинна тя положи́,/ я́коже звезду́ неле́стную, световодя́щую концы́,/ наста́вниче Иоа́нне, о́тче наш.
Тропарь воскресный, глас 8.
С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,/ Животе́ и воскресе́ние на́ше, Го́споди, сла́ва Тебе́.
Богородичен, глас тойже.
И́же нас ра́ди рожде́йся от Де́вы,/ и распя́тие претерпе́в, Благи́й,/ испрове́ргий сме́ртию сме́рть,/ и воскресе́ние явле́й я́ко Бог,/ не пре́зри, я́же созда́л е́си руко́ю Твое́ю;/ яви́ человеколю́бие Твое́, Ми́лостиве,/ приими́ ро́ждшую Тя Богоро́дицу моля́щуюся за ны;/ и спаси́, Спа́се наш, лю́ди отчая́нныя.
Кондак, глас тойже.
Воскре́с из гро́ба, уме́ршия воздви́гл еси́,/ и Ада́ма воскреси́л еси́,/ и Éва лику́ет во Твое́м Воскресе́нии,/ и мирсти́и концы́ торжеству́ют/ е́же из ме́ртвых воста́нием Твои́м, Многоми́лостиве.
Мч. Савина. Кондак, глас 2.
Боже́ственная прозябе́ния,/ цвет неувяда́ющий,/ розга́ многопло́дная, Богоно́се Сави́не,/ и́же ве́рою чту́щих па́мять тво́ю/ весе́лия твоего́ испо́лни/ и моли́ся непреста́нно о всех нас.
Свт. Серапиона, архиеп. Новгородского. Тропарь, глас 8.
Тве́рдый адама́нт вои́стинну, о́тче, показа́лся еси́,/ во всем подо́бяся Влады́це своему́ и Го́споду,/ непра́ведная изгна́ния, ра́дуяся, претерпе́л еси́,/ те́мже и Христо́с святи́телем и му́чеником сли́ковна тя сотвори́/ и дарова́ тя ста́ду твоему́, я́ко сокро́вище неотъе́млемо,/ чудесы́ всех обогаща́ющее,/ я́ко да и мы, соше́дшеся к ра́це моще́й твои́х,/ любо́вию вопие́м ти:/ о вели́кий во святи́телех и ди́вный во страда́льцех/ пречестны́й архиере́ю, Серапио́не о́тче наш,/ моли́ о нас всеблага́го Бо́га,/ да спасе́т ду́ши на́ша.
Кондак, глас 3.
Я́ко венце́м пресве́тлым, украси́вся днесь, Вели́кий Новогра́д/ лику́ет в па́мять па́стыря своего́ и учи́теля,/ и, я́ко диади́му ца́рскую, возложи́вши,/ Ла́вра вели́кая о́на све́тло ра́дуется,/ иде́же просла́ви тебе́ Бог, уго́дника Своего́,/ и прояви́ после́днему ро́ду на́шему/ цельбоно́сныя мо́щи твоя́,/ о пресла́вне святи́телю Серапио́не,/ Це́рковь же Бо́жия весели́тся,/ созыва́ющи мона́хов сосло́вие и всех ве́рных/ велегла́сно вопи́ти:/ ра́дуйся, Вели́кому Новугра́ду и оби́тели Се́ргиевой похвало́/ и всея́ Росси́йския земли́ пресве́тлый свети́льниче.
