Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Пятница 07 октября 2022 / 24 сентября 2022
Седмица 17-я по Пятидесятнице. Глас седьмый.
Пост. Пища с растительным маслом
Первомц. равноап. Феклы (I).
Св. Гавриила Псковского и Казанского (1915).Сщмч. Василия диакона (1918).Сщмчч. Андрея и Павла пресвитеров, прмч. Виталия и мчч. Василия, Сергия и Спиридона (1937).Сщмч. Никандра пресвитера (1939).
Прп. Никандра пустынножителя, Псковского чудотворца (1581).Прмч. Галактиона Вологодского (1612).Прп. Коприя Палестинского (530).Св. Владислава Сербского (1239).Мирожской иконы Божией Матери (1198).Прп. Авраамия, игумена Мирожского.Прп. Стефана (Симона), Давида и Владислава, Сербских.Прав. Евфросинии, дочери прп. Пафнутия Египетского.Прп. Дорофеи, Кашинской.Прибытия в Америку первой православной Миссии: св. Герман, св. Ювеналий и др. (1794).Св. Изарнуса Марсельского (1043).Чтения дня
Ефесянам 4:17-25
Тропари
Первомц. равноап. Феклы. Тропарь, глас 4.
Словесе́м Па́вловым научи́вшися богоневе́стная Фе́кло,/ и ве́рою утверди́вшися от Петра́, богозва́нная,/ первому́ченица яви́лася еси́ и первострада́льница в же́нах,/ возшла́, еси́ на пла́мень, я́ко на ме́сто благоцвету́щее,/ зве́ри и юнцы́ устраши́шася тебе́, вооружи́ся бо Кресто́м./ Тем моли́, всехва́льная, Христа́ Бо́га,/ спасти́ся душа́м на́шим.
Кондак, глас 8.
Де́вства добро́тою просия́ла еси́,/ и му́ченичества венце́м украси́лася еси́,/ апо́стольству вверя́ешися, де́во, я́ко пресла́вная,/ и огня́ у́бо пла́мень в ро́су преложи́ла еси́,/ юнца́ же я́рость моли́твою твое́ю укроти́ла еси́,/ я́ко первострада́льная.
Кондак, глас 2.
Уязви́вши твое́ се́рдце доброде́во, любо́вию Христо́вою,/ обру́чника вре́меннаго, я́ко небрего́ма преоби́дела еси́,/ и на огнь дерзну́ла еси́, звере́й же уста́ загради́ла еси́,/ и, спа́сшися от них, прележа́ше Па́вла и́щущи,/ Фе́кло первострада́льная.
Прп. Никандра пустынножителя, Псковского чудотворца. Тропарь, глас 4.
Глас Боже́ственный, и́же во Ева́нгелии, услы́шав,/ преподо́бне о́тче Ника́ндре:/ прииди́те ко Мне, вси тружда́ющиеся и обремене́ннии,/ и Аз упоко́ю вы,/ и прие́м крест, после́довал еси́ Христу́,/ мир оста́вль, в пусты́ню всели́лся еси́,/ поще́нием же и бде́нием Небе́сный дар восприи́м,/ и ду́ши неду́жных приходя́щих к тебе́ с ве́рою исцеля́еши:/ те́мже и со Áнгелы сра́дуется, преподо́бне, дух твой.
Ин тропарь, глас 6.
Свети́ло незаходи́маго све́та/ стране́ на́шей яви́лся еси́, богоблаже́нне,/ до́блественне претерпе́в вра́жия озлобле́ния,/ бие́ние и ра́ны я́ко оде́жда нетле́ния вмени́шася тебе́,/ со зверьми́ бо бра́вся,/ и от челове́к злых прободе́ния прия́в,/ о тех моли́лся еси́:/ не поста́ви им греха́ сего́, глаго́ля;/ те́мже Влады́це Христу́ уподо́бился еси́,/ достохва́льне Ника́ндре, о́тче наш,/ моли́ся о душа́х на́ших.
Кондак, глас 1.
Я́ко лучу́ тя со́лнечную Христо́с показа́, преподо́бне,/ сия́еши бо в земли́ Росси́йстей чуде́с благода́тию,/ и отгоня́еши тьму страсте́й же и скорбе́й, от приходя́щих к тебе́ с ве́рою./ Те́мже почита́ем твою́ па́мять, Ника́ндре, о́тче наш, и вопи́ем ти:/ ра́дуйся пустынножи́телей красото́,/ и стране́ на́шей похвало́ и утвержде́ние.
Ин кондак, глас 8.
Богосия́нная звездо́ ве́ры, я́же возсия́ в Ру́сстей земли́,/ о́тче преблаже́нне Ника́ндре,/ слеза́ми и посто́м и бде́нием и моли́твами удруча́л еси́ те́ло свое́,/ те́мже и обре́л еси́ Небе́сную жизнь, и ра́достно та́мо со Áнгелы ликовству́еши,/ сего́ ра́ди да зове́м ти:/ ра́дуйся, о́тче преподо́бне Ника́ндре, пусты́нный жи́телю.
Прмч. Галактиона Вологодского. Тропарь, глас 5.
Днесь град Во́логда тобо́ю всеми́рне хва́лится,/ возсия́л бо еси́ пресве́тло, я́ко со́лнце,/ и чудесы́ твои́ми град и ве́си, преподо́бне Галактио́не, озари́л еси́./ И ны́не моли́ся Го́сподеви/ изба́витися душа́м на́шим от пре́лести вра́жия/ спасти́ся гра́ду на́шему от пога́нскаго и всех проти́вных наи́тия,/ и испроси́ у Христа́ Бо́га любо́вию чту́щим тя/ прегреше́ний проще́ния/ и прося́щим твоея́ по́мощи от вся́кия ско́рби избавле́ния, и вопию́щим к тебе́:/ Бог наш с на́ми, просла́вивый уго́дника Своего́, я́ко же благоволи́.
Кондак, глас 4.
Благоче́стно на земли́ пожи́в,/ муче́ния вене́ц прия́л еси́, прече́стне,/ дре́вом во главу́ от наше́дших градоразори́телей убие́н,/ я́ко до́брый учени́к Спа́са Христа́,/ оста́вивый оте́чественный свой град и дру́ги/ стра́нствовати любве́ ра́ди Христо́вы ева́нгельски изво́ливый./ Сего́ ра́ди тя почита́ем, пе́сньми вопию́ще:/ от бед изба́ви нас при́сно моли́твами твои́ми,/ уго́дниче Бо́жий Галактио́не, о́тче наш.
Ин тропарь, глас 4.
Днесь град Во́логда тобо́ю хва́лится, преподо́бне,/ возсия́л бо еси́ пресве́тло, я́ко со́лнце,/ гра́ды и ве́си чудесы́ твои́ми озаря́я./ И ны́не, преподобному́чениче Галактио́не, Го́сподеви моли́ся/ стране́ на́шей от нахожде́ния сопроти́вных изба́витися,/ и у Христа́ Бо́га прегреше́ний на́ших оставле́ние испроси́,/ и от вся́кия ско́рби избавле́ние пода́ждь любо́вию чту́щим тя,/ и вопию́щим ве́рно:/ Бог наш с на́ми, просла́вивый уго́дника Своего́, я́коже благоволи́.
Мирожской иконы Богородицы. Тропарь, глас 4.
Я́ко звезда́ пресве́тлая/ возсия́ в Росси́йской земли́:/ от ико́ны честна́го о́браза Твоего́, Богоро́дице Де́во,/ из обою́ о́чию теко́ша сле́зы Твоя́, я́ко река́,/ и ви́девше наро́ди пско́встии, му́жи и же́ны и со ча́ды,/ с пла́чем моля́щеся о́бразу Твоему́, си́це глаго́лаху:/ о Пресвята́я Влады́чице Богоро́дице,/ не забу́ди гре́шных раб Твои́х,/ моля́щися Христу́ Бо́гу на́шему спасти́ся нам.
Кондак, глас 7.
Засту́пнице христиа́ном непосты́дная/ и Предста́тельнице гра́ду на́шему Пско́ву,/ не пре́зри моле́ния нас гре́шных,/ и ви́дящих от Твоего́ честна́го о́браза сле́зы теку́ща из обою́ о́чию,/ и моля́щихся приле́жно,/ но предвари́ я́ко Блага́я, на по́мощь нам, ве́рно к Тебе́ прибега́ющим,/ услы́ши на́ша моле́ния, Богоро́дице,/ и изба́ви нас от нахожде́ния пога́ных,/ ускори́ же на моли́тву на́шу и потщи́ся на умоле́ние,/ заступа́ющи при́сно, Богоро́дице, чту́щих Тя;/ ра́дуйся, Де́во, христиа́ном похвало́.
