Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Четверг 11 августа 2022 / 29 июля 2022
Седмица 9-я по Пятидесятнице. Глас седьмый.
Мч. Каллиника (III-IV).
Новопрпмчч.: Серафима (Богословского) и Феогноста (1921).Прмч. Анатолия (1930-1935).Сщмч. Алексия пресвитера, прмч. Пахомия (1938).
Прпп. Константина и Космы Косинских, Старорусских (XIII).Мч. Даниила Черкасского (1776).Мц. Серафимы девы Антиохийской (117-138).Мц. Феодотии и трех чад ее (304).Свт. Лупа, еп. Труа (479).Прмч. Михаила (IX).Мч. Евстафия Мцхетского (589) (Груз.).Свт. Константина, патр. Константинопольского (676).Рождество свт. Николая Чудотворца, архиеп. Мир Ликийских (IV).Прп. Романа, игумена Киржачского.Пренесение Великорецкой иконы святителя Николая из Вятки в Москву (1555).Св. Феодосия Нового, императора.Мч. Маманта, Дарийского.Св. Олафа, короля Норвегии (1030) (Кельт. и Брит.).Мчч. Вениамина и Верия, Константинопольских (Греч.).Мч. Василиска старца (Греч.).Новосщмч. Вессариона Смолианского в Болгарии (1670).Чтения дня
1 Коринфянам 14:6-19
Тропари
Мч. Каллиника. Тропарь, глас 4.
Му́ченик Твой, Го́споди, Каллини́к/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.
Кондак, глас 2.
Го́рняя кра́сная досто́йно ны́не насле́довал еси́:/ Христо́вою бо зело́ любо́вию разже́гся,/ на огнь, Каллини́че, тем му́жественно дерзну́л еси́,/ Ему́же и ны́не предстоя́,/ не преста́й моля́ о всех нас.
Мц. Серафимы. Тропарь, глас 8.
Неве́сто Христо́ва возлю́бленная, Серафи́мо,/ насле́днице Ца́рствия Небе́снаго,/ до́бре за Го́спода пострада́вшая/ и кро́вию твое́ю обагре́нная/ и, а́ки ца́рскою багряни́цею, украше́нная,/ помина́й нас, соверша́ющих святу́ю па́мять твою́.
Кондак, глас 2.
Серафи́мскою любо́вию Го́спода возлюби́ла еси́,/ свята́я де́во Серафи́мо,/ и всю себе́ за Го́спода на муче́ние предаде́,/ до́ндеже дости́гла еси́ Ца́рствия Небе́снаго.
Рождество свт. Николая Чудотворца, архиеп. Мир Ликийских. Тропарь, глас 4.
Чу́дное и сла́вное рождество́ твое́, святи́телю Нико́лае,/ Це́рковь днесь правосла́вных све́тло пра́зднует,/ и́бо стоя́нием ногу́ твое́ю/ яви́ тя Госпо́дь и провозвести́ бы́ти свети́льника и учи́теля ми́ряном,/ весь мир обогаща́юща и просвеща́юща чудесы́./ Тем вопие́м ти:/ моли́ Христа́ Бо́га спасти́ся душа́м на́шим.
Кондак, глас 2.
В Ми́рех ро́ждься, свя́те Нико́лае,/ от благоро́дна ко́рене,/ я́ко благопло́дна ветвь, прозя́бл еси́,/ испо́лнь бо быв Боже́ственных даро́в,/ я́ко со́лнце заря́ми, весь мир чудесы́ просвети́л еси́./ Сего́ ра́ди прославля́ем тя,/ я́ко ученика́ и таи́нника Бо́жия благода́ти.
Пренесение Великорецкой иконы святителя Николая из Вятки в Москву. Тропарь, глас 3.
Я́ко драгоце́нное бога́тство,/ прии́де к нам от Вели́кия реки́ Вя́тки/ в ца́рствующий сей град наш Москву́/ честна́я ико́на о́браза твоего́, святи́телю Нико́лае,/ и мно́гая у́бо чудеса́ в прише́ствии свое́м сотвори́,/ боля́щия исцели́ и вся челове́ки удиви́./ Сего́ ра́ди повеле́нием самоде́ржца царя́/ списа́ся с нея́ сия́ честна́я ико́на твоя́/ на просвеще́ние и моле́ние всем лю́дем ца́рска гра́да,/ ю́же днесь зрим и покланя́емся ей,/ моля́ще тя, таи́нника Христо́ва:/ моли́, свя́те, о всех нас,/ дарова́ти нам мир и ве́лию ми́лость.
Кондак, глас 4.
Днесь всеусе́рдне восхваля́ем тя, святи́телю о́тче Нико́лае,/ и честны́й сей о́браз твой ве́рно почита́ем,/ и любе́зно целу́ем и́,/ я́ко ве́лие таково́е дарова́ние нам от Христа́ Бо́га дарова́ся,/ па́че бо сапфи́ра и топа́зия,/ принесе́ся к нам от ме́ста, реко́маго Вя́тка, в ца́рский град,/ на исцеле́ние всем приходя́щим к нему́ с ве́рою./ Тем спрославля́ем твою́ святу́ю па́мять,/ моли́ спасти́ся душа́м на́шим.
Прпп. Константина и Космы Косинских, Старорусских. Тропарь, глас 3.
Я́ко вели́каго во отце́х Варлаа́ма учени́к,/ прехва́льне Константи́не,/ и сам ча́до послуша́ния, блаже́ннаго Косму́, возрасти́л еси́,/ те́мже, преподо́бнии, вку́пе Престо́лу Влады́чню ны́не предстоя́щии,/ моли́твами ва́шими в ве́ре Правосла́вней нас утверди́те,/ в послуша́нии Це́ркви Святе́й укрепи́те/ и вся поле́зная душа́м на́шим испроси́те.
Прп. Романа, игумена Киржачского. Тропарь, глас 4.
От ю́ности горя́чим жела́нием Боже́ственныя любве́ разжига́емь,/ жите́йския молвы́ оста́вль, преподо́бне,/ учени́к вели́кого Се́ргия был еси́,/ безмо́лвием и жесто́ким пребыва́нием,/ бде́нием и моли́твою, посто́м после́дуя Христу́;/ сего́ ра́ди избра́нием учи́теля твоего́/ свяще́нства сподобля́ешися от руки́ блаже́ннаго Алекси́я/ и па́стырь поставля́ешися оби́тели, я́же на Киржаче́,/ в не́йже трудолю́бно пожи́в, ко Го́споду отхо́диши,/ Рома́не преподо́бне,/ моли́ о нас Христа́ Бо́га,/ со учи́телем твои́м преподо́бным Се́ргием,/ спасти́ся душа́м на́шим.
Кондак, глас 8.
Жития́ треволне́ния и мяте́ж мирски́й/ и страстна́я взыгра́ния в ничто́же вмени́в,/ пусты́нный трудолю́бник показа́лся еси́,/ мона́хов наста́вник, Рома́не преподо́бне,/ и́ноков собира́тель и моле́бный ко Го́споду честны́й рачи́тель,/ моли́ о нас Христа́ Бо́га, со учи́телем твои́м преподо́бным Се́ргием,/ спасти́ся душа́м на́шим.
