Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Вторник 06 апреля 2021 / 24 марта 2021
4-я седмица Великого поста, Крестопоклонная. Глас вторый.
Великий пост. Пища с растительным маслом
Чтения дня
Исаии 25:1-9 (на 6-м часе)Тропари
Предпразднство Благовещения Богородицы. Тропарь, глас 4.
Днесь всеми́рныя ра́дости нача́тки/ предпра́зднственное воспе́ти повелева́ют:/се бо Гаврии́л прихо́дит,/ Де́ве нося́ благове́стие,/ и к Ней вопие́т:/ ра́дуйся, Благода́тная,/ Госпо́дь с Тобо́ю.
Кондак, глас 8.
Всем земны́м нача́ло спасе́ния на́шего Ты еси́, Богоро́дице Де́во,/ Бо́жий бо служи́тель с Небе́с по́слан предста́ти Тебе́,/ вели́кий чинонача́льник Гаврии́л,/ ра́дость обра́дованную Ти принесе́./ Тем вси зове́м Ти:/ ра́дуйся, Неве́сто Неневе́стная.
Прп. Захарии, постника Печерского, в Дальних пещерах. Тропарь, глас 3.
По́стническаго ра́ди твоего́ жития́, блаже́нне Заха́рие,/ я́ко прие́мый ве́лию на бе́сы кре́пость,/ моли́ и нам те́хже ко́зней избы́ти,/ получи́ти грехо́в проще́ние/ и ве́лию ми́лость.
Кондак, глас 1.
В по́стничестве све́тло я́ко просия́вый/ и бесо́м стра́шен я́ко яви́выйся,/ всече́стне Заха́рие,/ укрепи́ и нас твои́ми моли́твами/ по́стническое жити́е име́ти/ и бесо́вскаго изба́витися злоде́йства,/ я́ко да ублажа́ем тя.
Мчч. Стефана и Петра Казанских. Тропарь, глас 4.
Му́чеников дво́ица единонра́вная,/ Стефа́не и Пе́тре сла́внии,/ неве́рие соплеме́нников обличи́вше,/ Христу́ после́довали есте́,/ во Святу́ю Тро́ицу ве́ровати всех науча́юще,/ Ея́же ра́ди вели́кия страда́ния прие́мше,/ моли́теся о нас ко Го́споду,/ да, изба́вившеся тьмы грехо́вныя,/ Све́та яви́мся о́бщницы невече́рняго.
Кондак, глас 3.
Святи́и страстоте́рпцы Стефа́не и Пе́тре,/ Тро́ицы побо́рницы преизря́днейшии,/ мук треволне́ния и стра́шную смерть на ве́чную жизнь премени́вшии/ во гра́де Каза́ни страда́льчествовавшии,/ ны́не же в Небе́сных черто́зех Всецарю́ предстоя́щии,/ от вся́ких нас грехопаде́ний изба́вити Христа́ Бо́га моли́те,/ Той бо есть ве́рных утвержде́ние.