Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Среда 29 января 2020 / 16 января 2020
Седмица 33-я по Пятидесятнице. Глас седьмый.
Пост. Разрешается рыба
Чтения дня
Иакова 3:11-4:6Тропари
Поклонение честным веригам ап. Петра. Тропарь, глас 4.
Ри́ма не оста́вль, к нам прише́л еси́/ честны́ми вери́гами, я́же носи́л еси́, апо́столов первопресто́льне./ И́мже ве́рою покланя́ющеся, мо́лимся:/ твои́ми к Бо́гу моли́твами/ да́руй нам ве́лию ми́лость.
Кондак, глас 2.
Ка́мень Христо́с ка́меня ве́ры прославля́ет све́тло, ученико́в первопресто́льника:/ созыва́ет бо вся пра́здновати, Пе́тре, чудеси́ твое́я честны́я вери́ги/ и подае́т согреше́ний проще́ние.
Кондак, глас 2.
Верхо́внаго и пе́рваго апо́столов,/ и́стины Боже́ственнаго ученика́,/ Петра́ вели́каго восхва́лим/ и того́ ве́рою целу́ем вери́ги,/ прегреше́ний разреше́ние прие́млюще.
Тропарь праведнаго Максима, глас 4.
Непоро́чным свяще́нством Бо́гови послужи́в,/ посреде́ мирска́го мяте́жа юро́дство избра́л еси́,/ взем бо крест, после́довал еси́ Христу́ невозвра́тным по́мыслом/ и, с любо́вию к Нему́ доброде́тельми приближа́яся,/ земна́я оста́вив, Небе́сная восприя́л еси́,/ блаже́нне Макси́ме, о́тче наш,/ моли́ Христа́ Бо́га/ сохрани́тися гра́ду То́тьме невреди́му/ и спасти́ся душа́м на́шим.
Кондак, глас 4.
Боже́ственному гла́су после́дуя,/ возревнова́л еси́ наставля́ти па́ству свою́/ не му́дростию сло́ва, но бу́йством жития́ безмяте́жнаго,/ непреста́нными моли́твами и сле́зными струя́ми/ ду́шу и те́ло омыва́я,/ возду́шными стихи́ями плоть изнуря́я,/ те́мже и по сме́рти чудесы́ тя Госпо́дь просла́ви,/ да с ве́рою зове́м к тебе́:/ ра́дуйся, Богому́дре о́тче наш Макси́ме.