Календарь церковных праздников и постов, словарь имён, жития святых на сайте «Ритуальные услуги» г. Пермь. Список тропарей; молитвы и евангельские чтения на каждый день.
Суббота 11 января 2020 / 29 декабря 2019
Седмица 30-я по Пятидесятнице, суббота по Рождестве Христовом. Глас четвертый.
Святки. Пост отменяется
Чтения дня
Ефесянам 5:1-8Тропари
Мчч. 14 000 младенцев. Тропарь, глас 1.
Боле́зньми святы́х, и́миже о Тебе́ пострада́ша,/ умоле́н бу́ди, Го́споди,/ и вся на́ша боле́зни исцели́,/ Человеколю́бче, мо́лимся.
Кондак, глас 4.
Звезда́ волхвы́ посла́ к Ро́ждшемуся,/ и И́род непра́ведное во́инство посла́ лю́то,/ уби́ти мня во я́слех/ я́ко Младе́нца лежа́ща.
Ин кондак младенцев, глас 6.
В Вифлее́ме ро́ждшуся Царю́, волсви́ от Перси́ды с да́ры прихо́дят,/ звездо́ю свы́ше наставля́еми,/ но И́род смуща́ется и пожина́ет младе́нцы, я́ко пшени́цу,/ и рыда́ет себе́,/ я́ко держа́ва его́ вско́ре разори́тся.
Прп. Маркелла. Тропарь, глас 8.
В тебе́, о́тче, изве́стно спасе́ся е́же по о́бразу:/ прии́м бо Крест, после́довал еси́ Христу́/ и, де́я, учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бне Марке́лле, дух твой.
Кондак преподобнаго, глас 8.
Я́ко звезда́, кра́сно сия́я,/ от Ефе́са провозсия́л еси́ нам, всеблаже́нне, пости́жно,/ и доброде́тельми возгреме́л еси́,/ наста́вник и́ноком мно́гим быв, преподо́бне,/ того́ ра́ди и ца́рствующий град просвети́л еси́,/ и сего́ ра́ди вопие́м ти:/ ра́дуйся, о́тче всеблаже́нне Марке́лле.
Прп. Марка гробокопателя, Печерского, в Ближних пещерах. Тропарь, глас 1.
Умертви́в плотски́я по́хоти мно́гим воздержа́нием/ и копа́нием гробо́в святы́м,/ при́сно, а́ки мертв, в пеще́ре живя́,/ ме́ртвыя повеле́нием свои́м воздвиза́л еси́,/ Ма́рко прехва́льне,/ мертви́ и на́ша мудрова́ния плотска́я/ и наста́ви нас на тече́ние доброде́телей,/ моля́ о нас Еди́наго Человеколю́бца.
Кондак, глас 8.
Врача́ изря́дна и чудотво́рца любо́вию, ве́рнии, ублажи́м, прося́ще его́:/ да моли́твами свои́ми уврачу́ет на́ша стра́сти, душе́вныя и теле́сныя,/ и́мать бо на сие́ благода́ть от Бо́га,/ и прого́нит ду́хи лука́выя от всех, ве́рно ко гро́бу его́ притека́ющих и зову́щих:/ ра́дуйся, Ма́рко, цели́телю не́мощей на́ших.